25 гыйнварда Татарстанда аномаль салкын һава торышы саклана
Скопировать ссылку
Татарстан Республикасында алдагы тәүлекләрдә аномаль салкын һава торышы саклана. ТР Гидрометеорология һәм әйләнә-тирә мохитне күзәтү идарәсенең 25 гыйнварга фаразыннан күренгәнчә, төбәктә аязучан болытлы һава торышы булачак, явым-төшем көтелми.
Юнәлеше үзгәрүчән, секундына 3-8 метр тизлектә талгын җил исә. Иртәнге сәгатьләрдә һава температурасы -24..-29 градус тәшкил итәчәк, ә аязганда -30..-35 градуска кадәр түбәнәячәк.
Көндез термометрның терекөмеш баганасы -17..-22 градус, ә кайбер районнарда -26 градусны күрсәтәчәк.
Юлларда бозлавык көтелә.