Анна Попова: Бүгенге көндә Россиядә битлек кию режимын кертү ихтыяҗы юк
Скопировать ссылку
Россиядә бүгенге көндә битлек кию режимын кертү өчен нигез юк, дип белдерде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) җитәкчесе Анна Попова, дип хәбәр итә РИА Новости.
«Без битлек режимын кире кайтарырга җыенмыйбыз, әгәр дә инде моңа абсолют аңлаешлы нигез булмаса. Бүген андый ихтыяҗ юк», – диде ул.
Элегрәк Министрлар Кабинетының матбугат хезмәтендә ОРВИ, грипп һәм коронавирус очракларының сезонлы артуы аркасында Хөкүмәт Йортында өстәмә профилактика чаралары, шул исәптән битлек режимы кертеләчәге турында әйттеләр.