Андрей Кондратьев: Илнең тотрыклылыгы, иминлеге һәм үсеше өчен тавыш бирдем
Татарстанның Үзәк сайлау комиссиясе рәисе Андрей Кондратьев Россия Президентын сайлауда тавыш бирде. Ул Казанның 75 нче гимназиясенә 146 нчы сайлау участогына килгән иде, дип хәбәр итә «Татар-информ» хәбәрчесе Динара Прокопьева.
Илнең тотрыклылыгы, иминлеге һәм үсеше өчен тавыш бирдем. Ил, республика өчен. Кәеф бик яхшы, Татарстан һәм Россиянең барлык сайлаучыларының да кәефе шундыйдыр дип уйлыйм», – диде ТР Үзәк сайлау комиссиясе рәисе.
Кондратьев шимбә көнне тавыш бирергә уйлаган, чөнки ял көне бәйрәм мохите тоела, ди. Ул участокта җылы кабул итүләрен, сайлау комиссиясенең барлык әгъзалары ягымлы булуын, ә полиция хезмәткәрләре уяулык, куркынычсызлык һәм сайлаучылар өчен уңайлылык өчен җавап бирүен билгеләп үтте.
Бюллетенен урнага төшергәч, Кондратьев «Бөтен гаилә белән сайлауга!» беләзеген алган. Алар буенча 15-17 март көннәрендә казанда җәмәгать транспортыннан бушлай файдаланып була, шулай ук «Ак Барс Арена» каршындагы концертка эләгергә мөмкин. Анда Хабиб, «Иванушки International», «Хор Турецкого», «Кармен», Ваня Дмитриенко һәм башкалар чыгыш ясый.
- 15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
- 3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала.