Сәясәт 29 октябрь 2009 15:57

Анатолий Фомин депутатларга 11 октябрьдә узган өстәмә сайлаулар нәтиҗәләре турында сөйләде

11 октябрьдә Татарстанда өстәмә сайлаулар закон буенча узды

Скопировать ссылку

(Казан, 29 октябрь, «Татар-информ», Алия Сабирова). “11 октябрьдә Татарстанда өстәмә сайлаулар закон буенча узды”, - дип билгеләп үтте ТР Дәүләт Советы Президиумы утырышында ТР Үзәк сайлау комиссиясе рәисе Анатолий Фомин.
А.Фомин сүзләренчә, 30 нчы Сәйдәш бер мандатлы сайлау округы буенча Татарстан Республикасы Дәүләт Советы депутатын өстәмә сайлауларда 27638 сайлаучы катнашты яки исемлеккә кертелгән кешеләрнең 44,43 проценты дигән сүз.
“Эссен Продакшн АГ” ЯАҖнең генераль директоры Леонид Барышевны яклап 58,21 процент сайлаучы тавыш биргән. Сәйдәш округында барлыгы 9 кандидат теркәлгән иде, 7се үз-үзләрен тәкъдим итүчеләр.
11 октябрьдә шулай ук 21 муниципаль берәмлекләрнең җирле үзидарә вәкиллекле органнарына өстәмә сайлаулар узды, анда “Бердәм Россия” партиясе җиңүгә иреште, дип хәбәр итә ТР Үзәк сайлау комиссиясе рәисе.
Ул шулай ук тавыш бирү нәтиҗәләре буенча судка шикаять бирүчеләр булмавы турында да хәбәр итте.
ТР Дәүләт Советы Рәисе Фәрит Мөхәммәтшин үз чиратында: “Татарстанда сайлаулар демократик рухта, процедура һәм закон бозуларсыз узды”, - дип билгеләп үтте.

Сәхифәләр

Анатолий Фомин депутатларга 11 октябрьдә узган өстәмә сайлаулар нәтиҗәләре турында сөйләде