Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Аналитик Кульбака: АСЕАН саммитын уздыру Татарстанның Россиядәге ролен ныгыта
Россия – АСЕАН саммитын Казанда уздыру зур халыкара чараларны уздыру өчен төп мәйданчыкларның берсе буларак Татарстанның статусын раслый, диде «Татар-информ» агентлыгына икътисад фәннәре кандидаты, аналитик Николай Кульбака.
«Татарстан өчен мондый саммитны кабул итү мөмкинлеге, беренчедән, Татарстанның Россиядәге ролен тагын бер кат раслый. Һәм асылда Татарстанның мондый саммитларны яхшы оештыруын һәм төрле илләрнең күпсанлы лидерлары өчен бик яхшы мәйданчык булуын күрсәтә. Татарстан өчен бу - бик кызыклы әйбер, чөнки ул аның Россия эчендәге ролен арттыра. Бу мондый чараларны уздыру буенча билгеле бер тәҗрибә бирә», - диде ул.
Аналитик сүзләренчә, мондый форумнар, барыннан да элек, йомгаклау документлары белән түгел, ә дәүләт лидерлары өчен күпсанлы ике яклы очрашулар уздыру һәм актуаль мәсьәләләр хакында формаль булмаган шартларда фикер алышу мөмкинлеге белән мөһим.
«Мондый саммитта берьюлы бик күп лидерлар белән сөйләшергә мөмкин, күпсанлы ике яклы очрашулар үткәрелә, анда киң җәмәгатьчелеккә чыгарылмый торган бик күп мәсьәләләр хәл ителә. Нәкъ менә шуның белән мондый саммитлар кызыклы да, мөһим дә», – дип искәртте эксперт.
Кызыклы яңалыкларны күзәтеп бару өчен Телеграм-каналга язылыгыз