Җәмгыять 4 декабрь 2017 13:21

Ана капиталыннан файдалану тәртибе җиңеләя

4 декабрьдән ана капиталын теге яки бу максатка юнәлтү өчен, СНИЛС тәкъдим итәргә кирәкми.

Скопировать ссылку

(Казан, 4 декабрь, «Татар-информ»). 4 декабрьдән ана капиталын теге яки бу максатка юнәлтү өчен, СНИЛС тәкъдим итәргә кирәкми. Хәзер бу документ әлеге сертификатны алу өчен гариза тапшырганда гына кирәк. Бу хакта «Российская газета» Россия Пенсия фонды матбугат хезмәтенә сылтама белән яза.

Ана капиталы программасы гамәлдә булган вакытта 8,5 миллион гаилә әлеге сертификатны алган. Аларның 5 миллионы аны торак шартларын яхшыртуга сарыф иткән. Шул исәптән, 3,2 миллион гаилә шуның ярдәмендә торак кредитларын өлешчә яки тулысынча түләгән.

482 мең гаилә аны – балаларын укытуга тотарга, 3,7 меңе ананың тупланма пенсиясенә күчерергә карар кылган.

Узган ел ана капиталын инвалид балаларны социаль адаптацияләү һәм тернәкләндерү максатына да юнәлтергә мөмкин иде. Әлеге мөмкинлектән 115 гаилә файдаланган.

#Ана капиталы #СНИЛС

Сәхифәләр

Ана капиталыннан файдалану тәртибе җиңеләя