Ан-24 самолеты һәлакәткә юлыгуның берничә сәбәбен атадылар

Скопировать ссылку

Хәзерге вакытта Амур өлкәсендә Ан-24 самолеты һәлакәткә юлыгуның берничә версиясе карала. Бу хакта ТАСС агентлыгы хәбәр итә.

Беренчесе - техник төзексезлек, икенчесе - кеше факторы, очыш вакытындагы хилафлыклар.

Росавиация хәбәр иткәнчә, бүген Амур өлкәсендә «Ангара» авиакомпаниясенең Ан-24 самолетын эзләделәр.

Самолет Благовещенск-Тында маршруты буенча очкан.

Росавиациянең эзләү-коткару вертолеты аны күпмедер вакыттан соң Амур өлкәсендә табып алган.

Коткару эшләрендә 50дән артык белгеч һәм 10 берәмлек техника җәлеп ителгән.