Амур өлкәсе делегациясе Кукмара паркларын төзекләндерү тәҗрибәсе белән танышты
Скопировать ссылку
Амур өлкәсе делегациясе Кукмара шәһәренең Нурминкә елгасы яр буенда, Бертуган Комаровлар ишегалдында, Ленин бакчасында булды. Бу хакта «Хезмәт даны» газетасы хәбәр итә.
«Без башка шәһәрләрдә җәмәгать урыннарын төзекләндерү практикасы белән танышырга, хезмәттәшләребезнең төзекләндерү өлкәсендәге проблемаларны ничек хәл итүләрен карарга, тәҗрибә уртаклашырга, кызыклы карарлар кабул итәргә килдек. Шулай ук Арчада, Байлар Сабасында да булдык. Кукмара бик ошады, гомумән, ул заманча һәм матур күренә. Монда өйрәнерлек нәрсәләр бар», — диде Амур өлкәсе территорияләрен үстерү үзәгенең иҗтимагый киңлекләрне төзекләндерү проектлары җитәкчесе Валерия Рооз.