Җәмигъ мәчетен төзү барышы белән “Игелек” фонды сайтында танышып бару мөмкин булачак
“Беренче вакытта яңалыклар лентасында эскиз проектлары конкурсына кагылышлы мәгълүмат булачак, конкурс эше төгәлләнгәч, фонд эше һәм төзелешкә бәйле яңалыклар куелачак”, - дип әйтте фондның башкаручы директоры Илнур Рәхимов.
Казанда Җәмигъ мәчете төзелеше турында актуаль мәгълүмат белән “Игелек-Доброта” рухи-әхлакый үсешкә теләктәшлек Республика фонды сайтында танышып бару мөмкин булачак.
“Сайтта фондның эшчәнлеге, төзелеш барышы, иганә ярдәме турында бөтен мәгълүмат урнаштырылып барачак”, - дип хәбәр итте фондның башкаручы директоры Илнур Рәхимов “Татар-информ” агентлыгында матбугат конференциясендә.
“Беренче вакытта яңалыклар лентасында эскиз проектлары конкурсына кагылышлы мәгълүмат булачак, конкурс эше төгәлләнгәч, фонд эше һәм төзелешкә бәйле яңалыклар куелачак”, - дип әйтте ул.
Мәчеткә беренче нигез ташы 20 майда салыначак, эскиз проектлары конкурсы төгәлләнгәч, көзен төзелеш эшләре башланачак.
Җәмигъ мәчете ун мең кеше сыйдырышлы булыр дип фаразлана.