Хәвеф-хәтәр 11 август 2018 09:33

Америкада Сиэтл халыкара аэропортыннан самолет урлаганнар

Самолетта пассажирлар булмаган, ул һәлакәткә очраган.

Скопировать ссылку

(Казан, 11 август, "Татар-информ"). Америкадагы Сиэтл шәһәрендәге халыкара аэропорттан самолет урлап качканнар. Вакыйга турында АКШ яр буе сагына сылтама белән NBC каналы хәбәр иткән. Бу турыда "Интерфакс" язды.

"Сиэтл аэропортыннан рөхсәтсез очып киткәннән соң, самолет һәлакәткә очраган, дип сөйләгәнннәр рәсми вәкилләр", - диелгән телеканал хәбәрендә.

Төтен баганасы Вашингтон штатында да күренеп торган.

Сиэтл халыкара аэропортының твиттерында да бу хакта хәбәр бар. "Авиакомпания хезмәткәре рөхсәтсез очып киткән. Бортта пассажирлар булмаган. Самолет Пьюджет култыгы районында һәлакәткә очраган", диелгән бу хәбәрдә.

#америка #самолет һәлакәте

Сәхифәләр

Америкада Сиэтл халыкара аэропортыннан самолет урлаганнар