Дин 11 июнь 2009 15:10

“Алтын мөнбәр” кайтавазы” Дагыстанга ук барып җитте

Аның кысаларында Махачкалада 8 иң яхшы нәфис фильм тәкъдим ителәчәк

Скопировать ссылку

(Казан, 11 июнь, “Татар-информ”). Бүгеннән дагыстанлыларга “Алтын мөнбәр” халыкара мөселман кинофестивалендә җиңү яулган фильмнар тәкъдим ителә башлый. 14 июньгә кадәр Махачкала шәһәрендә 8 нәфис фильм күрсәтелә. Алар арасында 2006 елда “Иң яхшы фильм”, “Иң яхшы режиссер эше”, “Иң яхшы хатын-кыз роле” номинацияләрендә җиңү яулаган “Слеза холода” (2004), узган ел иң яхшы картина дип табылган “Ми для мамы” (2006), “Нить” фильмнары бар.
Ислам РФ сайты белдерүенчә, “Алтын мөнбәр” кайтавазы” кысаларындагы фильмнар шәһәрнең “Россия” кинотеатрында күрсәтелә. Сеансларга билетлар Махачкаланың уку йортларында, дәүләт учреждениеләрендә һәм иҗтимагый оешмаларда бушлай таратылган.
Шунысын да билгеләп үтәргә кирәк: “Алтын мөнбәр” кайтавазы” быел Төмәндә, алдагы елларда исә Грозныйда һәм Санкт-Петербург шәһәрләрендә узды.

Сәхифәләр

“Алтын мөнбәр” кайтавазы” Дагыстанга ук барып җитте