Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Алтын көз” күргәзмәсендә Татарстан авыл хуҗалыгы фәнни-тикшеренү институты проекты алтын медальгә һәм I дәрәҗәдәге дипломга лаек булды
Институт галимнәре ТР агросәнәгать комплексына авыл хуҗалыгының төрле юнәлешләре буенча фәнни эшләнмәләр тәкъдим итә
(Казан, 16 октябрь, «Татар-информ», Ирина Игнатьева). Мәскәүдә узган “Алтын көз” күргәзмәсендә Татарстан авыл хуҗалыгы фәнни-тикшеренү институты проекты алтын медальгә һәм I дәрәҗәдәге дипломга лаек булды. Институт галимнәре ТР агросәнәгать комплексына авыл хуҗалыгының төрле юнәлешләре буенча фәнни эшләнмәләр тәкъдим итә. Бу хакта “Татар-информ” агентлыгы хәбәрчесенә югары дәрәҗәдәге бүләккә лаек булучылар белдерде.
Күргәзмәдә Татарстан авыл хуҗалыгы фәнни-тикшеренү институты республика агросәнәгать комплексында югары нәтиҗәле мәгълүмати тәэминат өчен билгеләп үтелгән. Селекционерлар берьюлы берничә юнәлештә эшли. Шулай итеп, үсемлекчелек өлкәсендә алар игътибарында - 15 авыл хуҗалыгы культурасы.
Татарстан авыл хуҗалыгы фәнни-тикшеренү институты күргәзмәдә уҗым арышы, уҗым бодае, борчакның перспективалы сортларын, югары продуктлыкка ия һәм сыйфатлы, вирусларга чыдамлы бәрәңге сортын тәкъдим итте.
Татарстан галимнәре шулай ук, үсемлекчелек, терлек азыгы һәм терлекчелек өлкәсендә авыл хуҗалыгы продукциясе сыйфатын һүм күләмен күтәрүгә юнәлдерелгән үзенчәлекле технологик эшләнмәләр белән таныштырды.
Кызыклы яңалыкларны күзәтеп бару өчен Телеграм-каналга язылыгыз