Алты яшүсмер “Ниссан”да йортка бәрелгән - фото
Элегрәк машина йөртү хокукыннан мәхрүм ителгән 19 яшьлек егет исерек булган.
Скопировать ссылку
(Казан, 15 ноябрь, «Татар-информ»). Мамадыш районында исерек йөртүче “Ниссан” машинасында һәлакәткә юлыккан, дип хәбәр итә Россия Эчке эшләр министрлыгының ТР буенча ЮХИДИ идарәсе матбугат хезмәте.
Красная Горка бистәсендә машина йөртү хокукыннан мәхрүм ителгән 19 яшьлек егет “Ниссан” автомобилендә тизлеген арттырып, каршы як полосага чыккан. Аннары юлдан төшеп йортка барып бәрелгән. Һәлакәт аркасында машина йөртүче һәм биш пассажир Чаллының Ашыгыч ярдәм күрсәтү хастаханәсенә озатылган.
