Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алтайның «Дулкын» Татар мәдәнияте үзәге үз эшчәнлеге турында яңа фотоальбом чыгарды
«Дулкын» Татар мәдәнияте үзәге» Алтай крае иҗтимагый оешмасы үз эшчәнлеге турында фотоальбомның яңасын чыгарды. Бу хакта Бөтендөнья татар конгрессы матбугат хезмәте хәбәр итә.
Фотоальбомның беренче басмасы 2020 елда дөнья күрә һәм шунда ук сирәк очраучы библиографик басмага әйләнә.
«Пандемия елында без барлык кирәкле материалны җыя алмадык һәм эшне үзебез ниятләгән формада тәкъдим итә алмадык. Хәзер өч елдан соң ниятләгәнне тормышка ашыра алдык», – дип билгеләп үтә «Дулкын» Татар мәдәнияте үзәге рәисе Флора Зиннәтуллина.
Тулыландырылган һәм кабат эшләнгән басманы әзерләүдә редакция коллегиясе әгъзалары зур эш башкарган. Альбомда яңа күпсанлы фотолар барлыкка килгән. Милли Сабантуй бәйрәме, форумнар, проектлар һәм фестивальләр, көндәлек эш һәм бер тапкыр гына үткән акцияләр, ветераннар һәм яшьләр — фотоальбомның яңа басмасында болар барысы һәм тагын башка күп нәрсәләр чагылган.
«Альбом битләрендә Алтай татар милли-мәдәни хәрәкәтенең 100 дән артык активисты искә алына. 20дән артык бүлектә тарихыбызның төрле мизгелләре һәм эшебез аспектлары тәкъдим ителә»,— дип сөйли альбомның автор-җыючысы Артем Зиннәтуллин.
Басма «Алтай краенда дәүләт милли сәясәтен гамәлгә ашыру» төбәк программасы кысаларында этномәдәни үсеш, милләтара хезмәттәшлек һәм Россия милләтләренең бердәмлеген ныгытуда мәгълүмати һәм нәшрият проектларын тормышка ашыруга субсидия акчалары хисабына әзерләнгән.
Кызыклы яңалыкларны күзәтеп бару өчен Телеграм-каналга язылыгыз