Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Альмир Абашев: Проблемалы районнарда табибларның хезмәт хакын яңадан карарга тәкъдим итәм
Татарстан Республикасында дәүләт статистикасының оператив мәгълүматлары буенча 15 меңнән артык табиб эшли. Бу хакта Татарстан Республикасы Дәүләт Советының җиденче чакырылышының унҗиденче утырышында республика сәламәтлек саклау министры Альмир Абашев белдерде.
«Моннан тыш, республикада 38 мең урта медицина хезмәткәре эшли. Шунысын да билгеләп үтәргә кирәк: муниципаль берәмлекләр арасында табиблар белән тәэмин ителеш тигез түгел», – дип сөйләде ул.
Абашев сүзләренчә, иң депрессив территорияләр булып халкы 50 меңнән 500 меңгә кадәр булган шәһәр берәмлекләре тора. Әлеге шәһәрләрдә «Авыл табибы», «Авыл фельдшеры» программалары гамәлгә ашырылмаган, алар беренчел звеноны модернизацияләү программасына эләкмәгән, ә махсус социаль түләүләр дәрәҗәсе авыл җирлегенә караганда шактый түбәнрәк.
«Мондый шәһәрләргә Лениногорск, Чистай, Бөгелмә, Зәй, Минзәлә, Түбән Кама һәм башкалар керә. Шуның белән бергә, 2025 ел нәтиҗәләре буенча кадрлар хәрәкәте балансы уңай күрсәткечкә иреште — тармакка 239 табиб килде», — дип өстәде Абашев.
Татарстанда федераль, республика һәм муниципаль дәрәҗәдәге социаль ярдәм чаралары гамәлдә.
«Без, беренчедән, проблемалы районнарда хезмәт хакы буенча юл карталарын яңадан карарга, икенчедән, яңа җәлеп ителгән белгечләр өчен торак базары үсеше буенча муниципаль план төзергә, өченчедән, яшь белгечләрне саклап калу максатыннан әлеге районнардагы стационарларны һәм поликлиникаларны технологик яктан өстәмә җиһазлауны тәкъдим итәбез», — дип йомгаклады сәламәтлек саклау министры.
Кызыклы яңалыкларны күзәтеп бару өчен Телеграм-каналга язылыгыз