Әлмәттән суррогат ана закон алдында аборт өчен җавап бирде
Әлмәт шәһәр судында йөклелекне өзү турындагы эшне карадылар. Эш материаллары буенча, гаилә пары суррогат анага мөрәҗәгать иткән. Хатын-кызга эмбрион утыртканнар. Йөклелек башланган. Бу хакта «Әлмәт таңнары» дәүләт органы матбугат хезмәтенә сылтама белән хәбәр итә.
Контракт шартлары буенча, хатын-кыз медицина күрсәтмәләреннән башка һәм «заказчылар» ризалыгыннан башка аборт ясарга хокуклы булмаган. Хатын-кызга хокук бозган өчен берничә йөз мең сум түләргә туры киләчәге турында әйтелгән була. Шулай да ул йөклелеген өзәргә була.
Гаилә пары судка ЭКО процедурасын үткәрү өчен 600 мең сумнан артык түләү таләбе белән мөрәҗәгать иткән. Башка чыгымнар өчен – 320 меңнән артык. Шулай ук пар дәгъвада мораль зыянны компенсацияләүне таләп итеп язган. Ә бу тагын 140 мең сум була.
Суд дәгъваны өлешчә канәгатьләндерде. Хатын-кызның нинди сумма түләячәге аныкланмый.