Әлмәттән махсус операциядә катнашучыларның балалары Чаллының «Саулык» лагеренда ял итәчәк
Бүген Әлмәттән махсус хәрби операциядә катнашучыларның 60 баласы Чаллыда урнашкан «Саулык» сәламәтләндерү лагерена китте. Смена 28 ноябрьгә кадәр дәвам итәчәк.
Муниципаль берәмлек матбугат хезмәтендә «Татар-информ» агентлыгына белдерүләренчә, Әлмәттә хәрбиләрнең гаиләләренә даими ярдәм күрсәтелә, шуларның берсе – 7-15 яшьлек балалар өчен юлламалар. Киләсе смена 2 декабрьдә башлана.
«Балалар биредә ял итеп кенә калмыйча, сәламәтлеген ныгыта, уңай хис-кичерешләр ала һәм энергия туплый алачак. Лагерьда мәктәп программасы буенча белем алу процессы, иҗади мастер-класслар, спорт һәм ал чаралары, ачык һавада йөрү һәм дискотекалар оештырылган», - дип искәрттеләр хакимияттә.
Өстәмә мәгълүмат алу өчен 8(8553) 45-49-46 телефоны буенча мөрәҗәгать итәргә кирәк.
- 2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.
- РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.