Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә яшәүчеләр махсус хәрби операциядә катнашучыларга окоп шәмнәре ясыйлар
Хәрбиләрнең әти-әниләре, хатыннары һәм туганнары да «Үзебезнекеләрне ташламыйбыз» штабы һәм «Ватан сакчылары» фонды белән тыгыз элемтәдә тора. Әле менә күптән түгел «Ватан сакчылары» фондының Әлмәт бүлеге координаторы Ольга Ильдукова инициативасы белән «Нур» психологик ярдәм үзәгендә хәрбиләрнең әти-әниләре һәм тормыш иптәшләре, якыннары белән якынча 160 җитештерелгән. Бу хакта «Әлмәт таңнары» хәбәр итә.
«Парафин, банка, картон кебек кирәк-яракларны сатып та алдык, кешеләр үзләре дә алып килде. 20ләп кеше җыелдык та рәхәтләнеп чәйләр эчә-эчә, сөйләшә-сөйләшә матур гына эшләдек. Кыр шартларында, блиндажларда егетләргә якты булсын, җылы булсын дип тырыштык. Аннан алар шушы окоп шәмнәре ялкынында ашларын да җылыта алалар. Аз булса да күңелләрен күтәрәсебез килде инде», - диде шәм ясаучылар.
Шәм ясауда, тегү, бәйләү эшләрендә аеруча пенсионерлар активлык күрсәтә.
Элек зур предприятиеләрнең берсендә эшләп лаеклы ялга чыккан Михаил Дмитриев турында да күпләр ишетеп беләдер, мөгаен. Әлмәтле кышкы сезон башлану белән солдатларга окоп шәмнәре әзерли башлаган иде инде. Аның куллары белән эшләнгән меңнән артык шәм 1232нче һәм 1234нче полк хәрбиләренә илтеп тапшырылды.
Михаилның тормыш иптәше Валентина да «Мегасети» штабында маскировкалау челтәрләре әзерләүдә катнаша.
Кызыклы яңалыкларны күзәтеп бару өчен Телеграм-каналга язылыгыз