Әлмәттә креатив чана фестивале була
Скопировать ссылку
5 мартта Әлмәттә 13:00 сәгатьтә «Санки-Ушанки» креатив чана фестивале узачак. Шәһәр халкы һәм кунаклары креатив чаналарын күрсәтәчәк, алар үзләре ясаган чаналардан таудан шуып төшәчәк. Иң иҗади, чыдам һәм иң тиз шуучы чана ясаучылар акчалата призлар алачак. Бу хакта «Әлмәт таңнары» сайтында хәбәр ителә.
Шулай ук фестивальдә катнашучыларны һәм кунакларны бай эчтәлекле программа, сюрпризлар һәм бүләкләр көтә, дип хәбәр итә оештыручылар.