Әлмәт шәһәренең 2 нче китапханә-филиалы февраль аен балалар язучылары Лилия һәм Резеда Фәрхетдиноваларны очрашуга чакырып башлады. Алар иҗатына багышланган чарада Резеда Фәрхетдинованың Татарстан китап нәшриятында яңа чыккан «Урам керми уйга» исемле китабы тәкъдим ителде.
Бәйрәмне китапханәчеләр үткәрде. Чарада 12 нче мәктәп укучылары һәм укытучылары белән 44 нче балалар бакчасына йөрүче сабыйлар һәм тәрбиячеләр катнашты. Бу хакта Бөтендөнья татар конгрессы матбугат хезмәте хәбәр итә.
Ахырдан Резеда Фәрхетдинова мәктәп һәм балалар бакчасы китапханәләренә үз китапларын бүләк итте, диелә хәбәрдә.