Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә иң чиста авыл җирлекләре билгеле булды
Санитар-экологик икеайлык нәтиҗәләре буенча быел да махсус комиссия Әлмәт районы авыл җирлекләренең төзеклеген, чисталыгын карап чыгып, урыннар билгеләде. Комиссия авылларны баштан ук ике төркемгә бүлеп бәяләгән булып чыкты. Беренче төркемгә халык саны 1000 кешедән артып киткән торак пунктлар булса, икенче төркемгә халык саны 1000 кешедән ким булган авыл җирлекләре кергән. Бу хакта «Әлмәт таңнары» хәбәр итә.
Беренче төркемдә абсолют җиңүче дип Миңлебай авыл җирлеге танылган. Елдагыча, бу торак пункт чисталыгы буенча гына түгел, ә үсеп килүче буынга экологик тәрбия бирүдә дә югары нәтиҗәләргә ирешә икән. Яңа Нәдер авыл җирлеге икенче урынга лаек булган. Түбән Мактама торак пункты өченче урынга чыккан.
Халык саны 1000 кешедән ким булган торак пунктлар арасында Борискино авыл җирлегенә тиңнәр табылмаган. Сиренькино авыл җирлеге икенче, ә Ерсубайкино торак пункты өченче урынга лаек булган.
«Аппак, Васильевка, Елховой, Кама-Исмәгыйль авыл җирлекләре башлыкларына Рәхмәт хатлары тапшырылачак, бу авыллардагы эшчәнлек шулай ук яхшы оештырылган», - дип хәбәр итте авыл җирлекләренең социаль инфраструктурасын үстерү секторы җитәкчесе Ирина Шаргина.
Кызыклы яңалыкларны күзәтеп бару өчен Телеграм-каналга язылыгыз