Әлмәттә дошман пилотсыз очкычларын юк иткәннән соң янгын чыккан, зыян күрүчеләр юк
Скопировать ссылку
Бүген иртән Әлмәт районындагы сәнәгать зоналарының берсендә дошман пилотсыз очкычларын юк иткәннән соң янгын чыккан. Бу хакта ТР Рәисе матбугат хезмәте җитәкчесе Лилия Галимова хәбәр итте.
Урында янгын сүндерү расчетлары эшли. Якынча мәгълүматларга караганда, һәлак булучылар һәм зыян күрүчеләр юк. Район халкына куркыныч янамый.
Республика Рәисе Рөстәм Миңнехановка вазгыять турында оператив мәгълүмат җиткерәләр. Ул халыкка пилотсыз очучы аппаратлар һөҗүме куркынычы булганда үз-үзеңне тоту кагыйдәләре турында мәгълүмат бирү эшен дәвам итәргә кушты.