Хәвеф-хәтәр 3 октябрь 2023 16:24

Әлмәттә алданган пенсионерлардан акча алучы 15 яшьлек үсмерне тоткарлаганнар

Скопировать ссылку

Әлмәттә мошенниклар алдаган пенсионерлардан акча алган 15 яшьлек курьерны тоткарлаганнар. Бу хакта Россия Эчке эшләр министрлыгының Татарстан буенча идарәсе матбугат хезмәтендә хәбәр иттеләр.

Полиция хезмәткәрләре ачыклаганча, аферистлар өлкән яшьтәге кешеләргә шалтыраткан һәм үзләрен хокук саклау органы хезмәткәре дип таныштырган. Алар үз корбаннарына якыннары юл-транспорт һәлакәтенә юлыккан һәм җинаять җаваплылыгыннан качу өчен акча кирәклеген әйткән. Пенсионерлар барлык җыйган акчаларын курьерга биргән, ә шикләнелә торган егет акчаны мошенникларга күчергән.

Тикшерү вакытында яшүсмернең өч пенсионердан 600 мең сумнан артык акча алуы ачыкланган.

Ул тоткарланганнан соң, курьер эшен социаль челтәрдән табуы, ә хезмәте өчен мошенникларга җибәрелгән сумманың 10 процентын алуы турында сөйләгән.

Сәхифәләр

Әлмәттә алданган пенсионерлардан акча алучы 15 яшьлек үсмерне тоткарлаганнар