Әлмәт хастаханәсендә Казан медицина университетының база кафедрасы эшли башлады
Скопировать ссылку
Казан дәүләт медицина университеты кафедрасы Әлмәт районара күп профильле хастаханәсе базасында эшли башлады. База кафедрасы КДМУ факультеты составына керә. Бу хакта «Әлмәт таңнары» дәвалау учреждениесенә сылтама белән хәбәр итә.
Мөдир итеп медицина фәннәре кандидаты Илдус Мостафинны билгеләделәр. Яңалыкның төп максаты - булачак табибларны хастаханә шартларында көндәлек медицина эшчәнлегендә катнашу юлы белән практик әзерләү, шулай ук төбәккә яшь белгечләрне җәлеп итү.
Дүрт студент һәм ике ординатор белем бирү учреждениесенә килгәннәр инде. Әлмәттә алар тугыз ай торачак.
Хастаханәнең баш табибы Гөлсинә Шәмсиева билгеләп үткәнчә, кафедраның нәтиҗәле эшләве өчен барлык шартлар да тудырылган.