Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт волонтерлары хәрбиләргә коры ашлар һәм дрон өчен детальләр әзерли башлады
Әлмәт волонтерлары махсус хәрби операциядәгеләргә ярдәм төрләренә өстәмә итеп коры ашлар һәм дроннар өчен детальләр әзерләүгә кереште. Активистлар хәрәкәтенә хәрбиләрнең якыннары да кушылды. Бу хакта «Әлмәт таңнары» хәбәр итә.
«Ассоль» штабы һәм «Масксети Әлмәт һәм фронтка ярдәм» төркеме волонтерларының фидакарьлеген район җитәкчелеге дә билгеләп үтте. Алар Рәхмәт хатлары белән бүләкләнде.
Активистлар эшчәнлекләрен дәвам итә. Вакуумлы капларда солдатлар өчен рассольник, борщ, итле һәм гөмбәле токмач, карабодайдан коры ашлар да әзерли башладылар. Һәр кап биш солдатка җитә. Аларны профессиональ аш-су остасы Константин ясый.
«Хәрбиләр өчен ул чөгендер, кишердән коры салатлар да әзерли әле. Ашларны инде озаттык. Хәзер тагын да зуррак партия әзерлибез, — дип сөйли волонтер Рәмия Галимова.
Волонтерлар командасына дроннар өчен детальләр ясаучы активистлар да кушылган. «Төнге смена» төркеме аларны 3D-принтерда ясый.
Чираттагы сессиядә район башлыгы 15 волонтерны сын белән бүләкләде. Бүләкләнүчеләр арасында Наҗия Гатина да бар.
Кызыклы яңалыкларны күзәтеп бару өчен Телеграм-каналга язылыгыз