Әлмәт укучылары тарихтан Бөтенроссия олимпиадасы нәтиҗәсе буенча иң яхшылар рәтенә керде
Яңа Уренгойда тарих буенча Бөтенроссия укучылар олимпиадасының йомгаклау этабын ябу тантанасы узды, анда Россиянең 78 төбәгеннән 290 өлкән сыйныф укучысы үз белемнәрен күрсәтте. 24 катнашучы җиңүче булды, призер исемен 112 укучы яулады. Татарстан Республикасы командасы, шул исәптән Әлмәт шәһәренең 2нче лицее укучылары – иң яхшылар арасында. Бу хакта «Әлмәт таңнары» хәбәр итә.
Икенче ел рәттән 2нче лицей укучылары тарих буенча олимпиада финалистлар булды. Алар - Нойкин Григорий, Уланов Павел, Шафигуллина Алия.
Тарих олимпиадасының үзенчәлеге шунда ки, 9-11 сыйныф укучылары өчен бердәм конкурс. Югары мәктәп җиңүчеләре һәм призерлары илнең теләсә кайсы университетына керү өчен ташламалар ала. 2023-2024 уку елында Храмова Галия Гыйльмановна җитәкчелегендәге 2 нче лицей укучылары командасы зур уңышларга ирешә, Уланов Павел һәм Шәрифуллина Алия олимпиаданың төбәк этабында җиңүчеләр, Павел Уланов абсолют җиңүче була.
Асреева Алиша, Вильданова Риана, Рамазанова Азалия призерлар арасына керә. 2024 елда Алия һәм Паша Татарстан Республикасы җыелма командасы составына керде һәм Әлмәт данын яклады. Академик белем, стандарт булмаган фикерләү, тырышлык һәм ныклы ихтыяр Павелга теләгән нәтиҗәгә ирешергә ярдәм итә, ул тарих буенча олимпиада җиңүчесе була.