Әлмәт укучылары бөтенроссия фәнни-тикшеренү эшләре конкурсында җиңү яулады
Скопировать ссылку
4-6 апрельдә Мәскәүдә «Обретенное поколение» II бөтенроссия фәнни-тикшеренү эшләре конкурсы узды.
Татарстаннан Казан, Чаллы, Түбән Кама һәм Әлмәт вәкилләре чыгыш ясады. 2нче лицейның укучылары «Лингвистика һәм әдәбият белеме» юнәлеше буенча үз эшләрен яклый. Бу хакта «Әлмәт таңнары» сайтында хәбәр ителә.
Эш нәтиҗәләре буенча 10 сыйныф укучысы Диана Пчельникова икенче дәрәҗә диплом, 10 сыйныф укучылары Фәридә Закирова һәм 9 сыйныф укучылары Регина Шәйхетдинова беренче дәрәҗә дипломнар белән бүләкләнде. 10 сыйныф укучысы Елизавета Мишанова җиңүче дипломына һәм исемле медальгә ия булды.