Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт театры артистлары Карелия башкаласына гастрольләргә китте
3 сентябрьдә Әлмәт театрының гастроль төркеме Карелия башкаласына китте. Алар Петрозаводскида иң титуллы спектакльләренең берсе «Җил артыннан»ны күрсәтәчәк. Моннан тыш, Карелиянең милли театрында тамашачылар «Киребеткән» спектаклен һәм «Играем маленького Мука» әкиятен карый алачак. Бу хакта «Әлмәт таңнары» хәбәр итә.
Петрозаводскидагы коллегалар белән дуслык бер ел элек башланды. Ул вакытта Карелиянең Милли театрында режиссерлар, педагоглар, тәнкыйтьчеләр катнашында заманча драматургия буенча күчмә иҗади лаборатория уздырыла. Әлмәт театры Россиянең кече шәһәрләре театрларының XIII фестивалендә җиңүче буларак чакырылган катнашучы була.
«Безгә заманча драматургия буенча театр лабораториясендә катнашырга тәкъдим иткәч, икеләнмичә ризалаштык. Оештыручылар - Милләтләр театрына, Олег Лоевскийга мондый мөмкинлек өчен рәхмәт. Лаборатория – танышу, элемтәләрне ныгыту, тәҗрибә туплау, актерларны өйрәтү, эмоциональ формада тоту өчен, шулай ук без башкалар белән хәрәкәт иткән юнәлешне чагыштыру өчен бәяләп бетергесез мөмкинлек», – диде Әлмәт татар дәүләт драма театры директоры Фәридә Исмәгыйлева.
Театр күрсәтү өчен Екатерина Тимофееваның «Полина па эзли» пьесасын сайлый, эскизның режиссеры Алессандра Джунтини була. Биш көн дәвамындагы лабораторияләр театрлар арасында дуслык өчен ныклы нигез булып тора.
Һәм нәкъ бер елдан соң алмашу гастрольләре уза, алар Россия Федерациясе мәдәният министрлыгы ярдәме белән «Росконцерт» федераль дәүләт бюджет мәдәният учреждениесе тарафыннан үткәрелә.
Петрозаводскидагы коллегаларын Әлмәттә 21-23 сентябрьдә «Бальзаминовның өйләнүе» спектакле, «Куллерво» эпик драмасы, «Цветочек аленький» әкиятләре белән көтәләр.
Кызыклы яңалыкларны күзәтеп бару өчен Телеграм-каналга язылыгыз