Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт Сабан туеның абсолют батырына тәкә һәм квадроцикл бирәчәкләр
Якшәмбе, 11 июньдә, Әлмәт Сабан туенда көрәштә җиңгән баш батырга милли традицион бүләк – тәкә һәм махсус бүләк – квадроцикл биреләчәк. Бу хакта «Татар-информ»га Әлмәт районы хакимиятенең матбугат хезмәтендә сөйләделәр.
Бәйрәмгә мактаулы кунаклар буларак Татарстан Дәүләт Советы Рәисе Фәрит Мөхәммәтшин, Татарстан Республикасы Дәүләт торак инспекциясе башлыгы Сергей Крайнов һәм Әлмәт районы башлыгы Тимур Нагуманов киләчәк.
Бәйрәмнәр берьюлы берничә мәйданчыкта узачак, концерт, интерактив, спорт һәм балалар программалары әзерләнә. Быел үзәк мәйдан ике өлешкә бүленәчәк. Бер өлеше - театральләштерелгән һәм концерт программасы өчен, ә икенчесе спорт һәм уен программасы өчен бүлеп биреләчәк.
Үзәк мәйданда рәсми ачылыш 11.00 сәгатьтә була. Тамашачыларга театральләштерелгән программа күрсәтеләчәк, авыл хуҗалыгы хезмәткәрләре һәм алдынгылары хөрмәтләнәчәк.
Милли йортларда Идел буе халыклары вәкилләре үзләренең мәдәниятен, шулай ук көнкүрешен, ризыкларын, традицияләрен һәм һөнәрләрен тәкъдим итәчәк.
12.00 сәгатьтә ипподромда ат ярышлары башлана.
Җырчы Марат Яруллин, «Казан егетләре» вокал төркеме, Инсаф Ганибаев, парлы җырчы Салават Миңнеханов һәм Гүзәлем музыкаль мәйданда хедлайнерлар булачак.
Кызыклы яңалыкларны күзәтеп бару өчен Телеграм-каналга язылыгыз