Мәдәният 5 декабрь 2025 17:12

Әлмәт Россиянең иң креатив шәһәре булды

Скопировать ссылку

1 декабрьдә Мәскәүдә бишенче тапкыр креатив индустрия өлкәсендә Россия илкүләм премиясен тапшыру тантанасы булды. Әлмәт «Креатив шәһәр» номинациясендә җиңү яулады. РФ Президенты администрациясе ярдәмендә гамәлгә куелган премия креатив индустрия үсешенә зур өлеш керткән профессионалларны, проектларны, компанияләрне, шәһәрләрне һәм төбәкләрне бүләкләү өчен булдырылган.

Әлмәттә 15 җәмәгать киңлеге яңартылган. Аеруча мөһим проектлар арасында – «Креатив процесслар фабрикасы», индустриаль сквер һәм башка киңлекләр. Шәһәрне яхшыртуда «Татнефть» ГАҖ ярдәм күрсәткән.

Шәһәрдә яшьләр белән эшләүгә аерым игътибар бирелә. Шул ук вакытта «Җиңел канатлар» урам театры һәм «Аулак» социаль театры кебек мәдәни проектлар гамәлгә ашырыла.

Шәһәрнең һәм төбәкнең борынгы мирасын популярлаштыру өчен «Каракүз» музыкаль лейблы һәм шул ук исемдәге этномодерн-фестиваль оештырылган. Профессиональ сәхнәгә чыгарга теләүчеләр өчен «Җырчы сандугач иле» һәм «Афәрин, Әлмәт!» проектлар уздырылган.

Сәхифәләр

Әлмәт Россиянең иң креатив шәһәре булды