Әлмәт районындагы трассада йөк машинасы белән бәрелешкән «Нива» йөртүчесе һәлак булган
Скопировать ссылку
ТР Әлмәт районында трассада «Нива» автомобиле йөк машинасы белән бәрелешкән.
Татарстан Дәүләт автоинспекциясеннән хәбәр итүләренчә, юл-транспорт һәлакәте төнлә Казан-Оренбург автоюлының 245 нче километрында булган. «Нива» юл кырыенда торган «КАМАЗ» машинасына бәрелгән. Җиңел машинага шактый зыян килгән, аның йөртүчесе урында ук һәлак булган.
Урында автоинспекторлар эшли, юл-транспорт һәлакәтенең барлык шартлары ачыклана, диелә хәбәрдә.
