Әлмәт районында мәктәп укучылары махсус операция хәрбиләре өчен концерт куйды

Әлмәт районының 2нче номерлы Түбән Мактама авылы мәктәбендә Ватанны саклаучылар елына багышланган концерт булды. Тамашачылар залында «Хәрби туганлык»тан кунаклар һәм махсус операция катнашучысы Владислав Пидулин булды. Мондый концертлар – хәрбиләр өчен генә түгел, ә аларның гаиләләре өчен дә бик зур мораль ярдәм, дип билгеләп үтте хәрби.

«Моңарчы мондый концертларда булганым юк иде. Бүгенге буынның моңа мөнәсәбәтен күреп бик тәэсирләндем. Бу концертны, бәлки, фронттагыларның бик азы гына күрер, ә менә махсус операциядә хезмәт итүчеләр өчен борчылып торучы әти-әниләргә, туганнарга хәзер ярдәм бик кирәк», - диде хәрби хезмәткәр.

Концертны 4 сыйныф укучылары башлап җибәрде. Алар армия биюен башкарды. Укучылар кызыклы күренешләр, җыр һәм биюләр әзерләгән иде. Аларның күбесенең мондый концертларда инде беренче ел гына катнашуы түгел.

«Мондый концертлар бездә еш үткәрелә. Мин һәрвакыт дулкынланам, көчле эмоцияләр кичерәм. Бабаларыбыз төрле чорларда сугышкан, бүген безнең әтиләр һәм абыйлар аларның эшен дәвам итә, Туган илне яклый. Мин моның белән горурланам. Без яңа укучы килү турында күренеш әзерләдек, шулай ук илебез өчен горурлык хисе белән «Любэ» төркеменең «Давай за» җырын башкардык», – дип сөйләде 8 сыйныф укучысы Валерия Низамиева.

«Миңа бик ошады, әзерләнү авыр булмады, барысы да шәп үтте. Мин Туган илем алдында бурычлы булуымны тоям, безне яклаучыларга ярдәм итәргә кирәк икәнен аңлыйм. Аларның тырышлыгы белән без имин тормышта яшибез, безнең бөтен кирәкле әйберләребез бар. Аларга зур рәхмәт», - диде 9 сыйныф укучысы Глеб Баландин.

Мәктәптә концерт ел саен үткәрелә, анда барлык сыйныф укучылары да катнаша.

«Бөтен мәктәп патриотизм рухы, бәйрәм хисе белән яши. Россияне данлаганда, аның куәте турында сөйләгәндә, хәзерге җырлар тагын да патриотик яңгырашка ия була. Шундый хәрбиләр хезмәт иткәндә, без сынатмаячакбыз. Кайвакыт хәтта тән чемердәп куя – балалар шулкадәр яхшы музыкаль материал сайлый», - дип сөйләде 2нче номерлы Түбән Мактама авылы мәктәбе директоры Мәдинә Закирова.

• Агымдагы ел Россиядә Ватанны саклаучылар елы дип игълан ителде. Бу төрле тарихи чорларда Туган ил өчен көрәшүчеләрнең хәрби батырлыгына, шулай ук бүгенге геройларга – махсус хәрби операциядә катнашучыларга хөрмәт күрсәтү чарасы.
• 23 гыйнвардан Татарстанда РФ Саклану министрлыгы белән контракт төзүчеләргә 2,8 миллион сум акча бирелә. Акчаның күләме арту республикада түләүләр күтәрелүгә бәйле. Яңа түләү 2025 елның 1 апреленә кадәр гамәлдә булачак. Хәрбиләр махсус операция зонасында шулай ук аена 210 мең сум ала.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: 8 (843) 221 44 52. Моннан тыш, 8 (800) 222 59 00 номеры буенча мөрәҗәгать итәргә була.

Материал Эльвира Шакирова катнашында әзерләнде.