Җиңүгә 80 ел 28 апрель 2025 04:52

Әлмәт районында Җиңү көне уңаеннан бүләкләр тапшырыла

Скопировать ссылку

Бөек Җиңүнең 80 еллыгы алдыннан Әлмәт районының 450дән артык ветераны Татарстан Рәисе Рөстәм Миңнеханов һәм район башкарма комитеты башлыгы Гүзәл Хәбетдиновадан котлаулар һәм бүләкләр алачак. Бу хакта «Әлмәт таңнары» яза.

9 майга кадәр шәһәр хакимияте, авыл җирлекләре, социаль хезмәтләр вәкилләре һәм Җиңү волонтерлары һәр ветеранның өендә булачак. Визит барышында аларга азык-төлек җыелмалары, бүләкләр һәм тантаналы шартларда исемле котлау открыткалары тапшырыла.

Язмышына Бөек Ватан сугышы кагылганнарның саны көннән-көн сирәгәя бара. Үз гомерләрендә бер тапкыр да «әти» дип әйтмәгән малайлар һәм кызлар инде үзләре әби-бабайлар.

Әлмәт районында Бөек Ватан сугышының 4 ветераны, 2 элеккеге концлагерь тоткыны, Ленинград блокадасын кичергән 1 кеше, шулай ук сугышта катнашучыларның һәм тыл хезмәтчәннәренең 400дән артык тол хатыны яши.

Дәүләт торак фонды 19 ел эчендә Бөек Ватан сугышының 6124 ветеранына торак биргән.

#Әлмәт

Сәхифәләр

Әлмәт районында Җиңү көне уңаеннан бүләкләр тапшырыла