Әлмәт районында «Иманлы булыйк» күргәзмәсе эшли
Скопировать ссылку
Әлмәт районы Елховой авыл тарихы музеенда «Иманлы булыйк» күргәзмәсе эшли башлады. Бу хакта «Әлмәт таңнары» яза.
Күргәзмәдә борынгы һәм бүген эшләп килүче мәчетләр тарихы белән танышырга мөмкин. Шулай ук анда шәмаилләр җыелмасы (иң борынгысы 1860 елларга караган), кул эшләнмәләре булган намазлыклар, (иң борынгысы 1893 елларга караган), дини китаплар бар.
Алар арасында Елховойдан булган Вәгыйз мулланың «Алты бармак» китапларын, борынгы китап куйгыч, шәмдәл, шул авылдан булган Сафиуллин Рәҗәпнең әнисенә бүләккә дип ясап калдырган «Мәчет – шкатулка» (ул дини китаплар, дисбеләр куяр өчен диеп ясалган) һәм башка кызыклы һәм истәлекле әйберләрне күрергә мөмкин.