Әлмәт районы башлыгы мобилизацияләнгәннәрнең балаларына бүләкләр тапшырды
Скопировать ссылку
Әлмәт районы башлыгы Тимур Нагуманов Анастасия һәм Арсений Порфирьевларның Яңа ел теләкләрен үтәде. Әтиләре махсус хәрби операция зонасында булган балалар «Теләкләр чыршысы»нда хатлар калдырган. Бу хакта «Әлмәт таңнары» хәбәр итә.
Арсенийгә швед стенасы, Анастасиягә велосипед бүләк иттеләр.
«Балаларга нык сәламәтлек һәм укуда уңышлар телим. Яңа ел аларның тормышына күп шатлыклар һәм истә калырлык мизгелләр китерсен!» – дип язган Тимур Нагуманов Телеграм-каналында.