Әлмәт районы башлыгы Лисичанск һәм Рубежное инфраструктурасын торгызу белән танышты
Татарстан Республикасы Әлмәт муниципаль районы башлыгы Гүзәл Хәбетдинова Татарстан Республикасы Премьер-министры урынбасары Ринат Садыйков белән Лисичанск һәм Рубежное шәһәрләрендә булды. Гуманитар миссия кысаларында 40 тоннадан артык адреслы ярдәм тапшырылды.
Фото: © ТР вице-премьеры Ринат Садыйков аппараты
Делегация шәһәр инфраструктурасын торгызу барышы белән танышты, социаль объектларны һәм учреждениеләр территорияләрендә урнаштырылган блок-модуль котельныйларны да кертеп, тормышны тәэмин итү системаларын карады. Татарстан Республикасы катнашында торгызылган һәм төзелгән социаль инфраструктура объектларына игътибар бирелде.
Моннан тыш, Татарстан вәкилләре Лисичанск һәм Рубежноеда «Бердәм Россия»нең төбәк бүлеге ярдәмендә эшли торган гуманитар үзәкләрдә булды. Делегацияләргә гуманитар ярдәмне саклау, сортларга аеру һәм бүлүне оештыру, шулай ук аны төрле категориядәге халыкка җиткерү тәртибен күрсәттеләр.
Фото: © ТР вице-премьеры Ринат Садыйков аппараты
Ринат Садыйков билгеләп үткәнчә, Татарстан Республикасының Әлмәт районы даими нигездә «Бердәм Россия» катнашында формалаштырыла торган колонналар составында гуманитар йөкләр җибәрә. Сәфәр барышында ярдәм бүлү системасының ничек төзелүен һәм аның конкрет алучыларга ничек барып җитүен бәяләделәр.
«Гуманитар үзәкләрнең эше һәм гражданнарның төрле категорияләре арасында ярдәмнең ничек бүленүе белән таныштык. Киләчәктә дә бу эшне дәвам итү турында килештек – ул халык өчен кирәкле булып кала», - дип билгеләде ул.