Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әлмәт мөселманнары мөфти Камил хәзрәт Сәмигуллинга рәхмәт белдерде
Быел Рамазан аенда Диния Нәзарәте чакыруы буенча Татарстанга Мисырның «Әл-Әзһар» академиясеннән дин галимнәре, Коръән укучылар, мөгаллимнәр килде. Алар лекцияләр һәм тәравих намазлары үткәрде һәм Коръән уку буенча дәресләр бирде. «Әл-Әзһар» хафизлары Чистай, Кукмара, Әлмәт, Лениногорск, Арча, Түбән Кама һәм Бөгелмә мөхтәсибәтләрендә булды.
Татарстанның Көнчыгыш төбәге казые һәм Әлмәт районы имам-мөхтәсибе Исмәгыйль хәзрәт Сөнгатуллин районның барлык мөселманнары исеменнән ТР мөселманнары Диния нәзарәте рәисе, Мөфти Камил хәзрәт Сәмигуллинга Мисырдан Коръән хафиз чакыруда ярдәм иткәне һәм әлеге очрашуларны югары дәрәҗәдә оештырганы өчен тирән рәхмәтен белдерде. Бу хакта ТР Диния нәзарәте матбугат хезмәте яза.
«Аның ихлас һәм тәэсирле чыгышлары һәркемнең күңелендә җылы эз калдырды. Без барыбыз да әлеге күркәм хезмәттән бик канәгать калдык», – диелә хатта.
Искәртеп үтик, «Әл-Әзһар» академиясе вәкилләренең сәфәре Татарстан һәм иң зур ислам мәгарифе үзәкләренең берсе арасында дини багланышларны ныгыту максатыннан тормышка ашырылды.
Кызыклы яңалыкларны күзәтеп бару өчен Телеграм-каналга язылыгыз