Әлмәт кешесе боз астына төшеп киткән икенче сыйныф укучысын коткарган
Скопировать ссылку
Әлмәттә башлангыч сыйныф укучысы шәһәр күлендә боз астына төшеп китә. Аңа ярдәмгә Әлмәтнең автомобиль юллары идарәсе хезмәткәре Руслан Сабаев килә. Ир-атның игътибарлыгы аркасында малай исән һәм сәламәт кала. Бу хакта район башлыгы Тимур Нагуманов Телеграм-каналында хәбәр итте. «Әлмәт таңнары» шул хакта яза.
«Руслан Сабаевка игътибарлыгы һәм батырлыгы өчен рәхмәтемне белдерәсем килә. Аның гамәлләре баланың гомерен саклап калды!» - дип рәхмәт белдерде район башлыгы.
Тимур Нагуманов Әлмәттә яшәүчеләргә көзге бозның тотрыклы салкыннар башланганчы нык булмавын һәм мондый участокларда йөрү сәламәтлек өчен бик куркыныч булуын искәртте.