Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт фермерлары мал азыгы әзерләү эшен 87 процентка башкарган
![Әлмәт фермерлары мал азыгы әзерләү эшен 87 процентка башкарган](https://tatar-inform.tatar/resize/shd/images/uploads/news/2024/7/7/d1263ac507c52373807b240a603c3a01.jpg)
Әлмәт фермерлары быел өлгерлек күрсәтә. Алар мал азыгы әзерләү эшенең 87 процентын башкарган. Хуҗалыклар арасында беренче урында «Чагылтау» җәмгыяте тора. Биредә 380 гектар мәйдандагы күпьеллык үләнәрнең 260 гектарын чабып алганнар булып чыкты. Бу хакта «Әлмәт таңнары» сайтында Резедә Исмәгыйлева хәбәр итә.
Хуҗалык сенажын да мулдан әзерләргә өлгергән. «Аппак», «Кичүчат», «Чулпан», «Первомайский» җәмгыятьләре дә «Чагылтау»дан калышмаска тырыша – күрсәткечләр беразга гына гына калыша. Берьеллыкларны чабуга хуҗалыкларның берсе дә керешмәгән әле.
Күпьеллыклар быел район басуларының 9759 гектар мәйданын биләп тора. Бүгенге көндә шуның 3543 гектары гына чабылган әле. Бу – түбән күрсәткеч, төгәлрәк әйткәндә мал азыгы әзерләү бары тик 36 процентка гына башкарылган дигәнне аңлата. Димәк, бер мал башына әлегә 7 центнер азык әзерләнгән.
Мал азыгы әзерләү белән беррәттән җирләрне эшкәртү бара, үсентеләрне корткычларга каршы препаратлар белән эшкәртү дәвам итә. Аграрийлар тәүлегенә 300 гектарлап мәйданда туфракны эшкәртә. Шулай, күрсәткечләр әлегә алай мактанырлык түгел, ләкин вакыт бар әле, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз