Әлмәт башкарма комитетының элеккеге хезмәткәре ришвәт өчен 4 ел колониягә хөкем ителде
Скопировать ссылку
Әлмәттә Башкарма комитетның сәүдә, кулланучылар хезмәтләре һәм эшмәкәрлекне үстерү бүлеге җитәкчесенә карата хөкем карары чыгарылды. Аны хезмәт урыныннан файдаланып кылынган мошенниклыкның өч эпизодында, ришвәт алуда һәм вазифаи вәкаләтләреннән явызларча файдалануда гаепле дип таптылар. Бу хакта Татарстан прокурорының өлкән ярдәмчесе Адилә Гайнетдинова хәбәр итә.
Ачыкланганча, 2021-2022 елларда түрә район эшмәкәрләрен ялгыш юлга керткән һәм алардан 334 мең сум алган.
Суд, гаепләү позициясен исәпкә алып, ир-атны гаепле дип таныды һәм 2,5 ел дәвамында дәүләт хезмәткәре вазифасын биләүне тыеп, 4 елга колониягә хөкем итте.