Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Алмачуар» әсәре буенча Татарстан-Казахстан фильмы төшерелеп бетте
Фильмның сабантуй күренешләре Әлки районының Базарлы Матак авылында төшерелгән.
(Казан, 28 июнь, «Татар-информ», Рузилә Мөхәммәтова). Галимҗан Ибраһимовның «Алмачуар» әсәре буенча Татарстан-Казахстан фильмы төшерелеп бетте.
«Копродукция, дөресен әйткәндә, бик авыр эш. Төшерү командасында төрле ил кешеләре булудан гына түгел, иҗади фикер төрлелеге дә бар һәм төрле этапларда кыенлыклар булып торды. Кыскасы, китап язарлык — бу хакта уйлыйм әле», дип язган үз аккаунтында Татарстан ягыннан проектның продюсеры Миләүшә Айтуганова.
Татар продюсеры Казахстандагы коллегасы Алмагөл Тлеухановага, режиссер Юлия Захаровага һәм бөтен командага рәхмәтләрен җиткергән.
Фильмның беренче өлеше Казахстанда төшерелде, икенче өлеше - сабантуй күренешләре Татарстанда төшерелергә планлаштырылган иде. Моның өчен төшерү командасы сабантуйлар чорын көтте.
Миләүшә Айтуганова «Татар-информ» хәбәрчесенә сабантуй күренешләренең Әлки районының Базарлы Матак авылында төшерелүен әйтте.
Кызыклы яңалыкларны күзәтеп бару өчен Телеграм-каналга язылыгыз