Әлки районының Әхмәт авылында «Ташу озату» бәйрәме үткәрделәр
Скопировать ссылку
Әлки районының Әхмәт авылында элеккеге гореф-гадәтләрне онытмау максатыннан, «Ташу озату» бәйрәме үткәргәннәр.
Биредә «Парлашу», «Капка» уеннарын уйнаганнар, «Кара урман», «Шап-шап» биюләрен искә төшереп, кызык итеп күңел ачканнар. Бу хакта «Әлки хәбәрләре» сайты яза.
«Без ел да Чирмешән елгасы ярларыннан чыга башлагач, ташу башлангач, шундый бәйрәм оештырабыз. Ул бит борынгы бәйрәм, бүгенге көндә бик искә алынмый гына. Без шуңа соңгы елларда күбрәк онытыла барган халык уеннарын уйныйбыз, биибез. Ташу белән бергә безнең авыруларыбыз, борчуларыбыз да агып китә кебек», – дип, фикерләре белән уртаклашты Әхмәт авылы клубы мөдире Резидә Гыйльфанова.