Әлки районында яшәүче бердәнбер сугыш ветераны йорты ишегалдына кадәр асфальт җәелде
Скопировать ссылку
Әлки районы Түбән Әлки авылында яшәүче райондагы бердәнбер сугыш ветераны Хазыйм Фәхретдинов яшәгән йорт ишегалдына, Тукай урамы юлына асфальт җәелде. Бу хакта «Әлки хәбәрләре» сайтында Алсу Закирова яза.
«Алексеевскдорстрой» җәмгыятенең район бүлеге эшчеләре вак ташны 24 апрельдә салган. Ә шимбә көнне иртәнге сәгать 7дә үк асфальт җәю эше башланып, төшкә таба төгәлләнеп тә килә иде.
«Тәрәзәдән карыйм да, үземне шәһәрдәге кебек хис итәм. Машиналарга йортка килергә дә, үземә инвалид арбасы белән урамга чыгарга да бик уңайлы була. Бу эшкә катнашы булган һәркемгә дә рәхмәт, - ди ветеран.