Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Алинә Заһитова: БРИКС уеннарында кышкы спорт төрләрен күрәсе килә
Киләчәктә БРИКС уеннарында кышкы спорт төрләрен дә күрергә кызык булыр иде, дип белдерде фигуралы шуу буенча Олимпия чемпионы һәм турнир илчесе Алинә Заһитова. Бу хакта «Татмедиа» матбугат һәм массакүләм коммуникацияләр буенча республика агентлыгының Мәскәүдәге вәкиле Динә Газалиева Санкт-Петербургтан хәбәр итә.
«Миңа, фигуралы шуучы буларак, әлбәттә, БРИКС уеннарында алга таба кышкы спорт төрләре үсешен күрергә кызык булыр иде», – диде Заһитова.
Ул барысын да турнир көннәрендә Казанга килергә, Россия һәм дустанә илләр спортчыларының спорт ярышларыннан ләззәт алырга чакырды.
«БРИКС уеннарының безнең Россиядә, туган ягым Казан шәһәрендә узачагына бик шатмын. Уеннарның илчесе буларак, мин бу үсеп килүче брендка игътибар җәлеп итү белән шөгыльләнәчәкмен. Барысын да Казанга БРИКС уеннарына чакырам. Оештыруның югары дәрәҗәдә булачагына йөз процентка ышанам», – дип ассызыклады спортчы.
Кызыклы яңалыкларны күзәтеп бару өчен Телеграм-каналга язылыгыз