Алинә Гайфетдинова Россия Кубогы финалында алтын медаль яулады һәм ил рекордын кабатлады
Скопировать ссылку
Йөзүче Алинә Гайфетдинова Россия Кубогы финалында 50 метрлы дистанциядә аркада йөзүдә алтын медаль яулады һәм бу дистанциядә ил рекордын кабатлады, дип хәбәр итә РИА Новости агентлыгы.
Турнир Санкт-Петербургта уза. Гайфетдинова дистанцияне 27,23 секундта үтте һәм 2018 елда Анастасия Фесикова куйган рекордны кабатлады. Мария Осетрова (28,05) – икенче, Арина Хитева (28,15) өченче урынга лаек булды.
Россия Кубогы финалы 21 апрельдә тәмамлана.