Алинә Заһитова машина йөртү таныклыгы алган
Тимераякта фигуралы шуу остасына ике ел элек Пхенчхандагы Олимпиадада алтын медаль алган өчен BMW автомобиле бүләк иткәннәр иде.
(Казан, 20 май, «Татар-информ»). Тимераякта фигуралы шуу буенча 2018 елгы Олимпия чемпионы Алина Заһитова машина йөртү буенча имтиханнарны уңышлы тапшырган һәм таныклык алган. Бу хакта спортчы Инстаграм битендә хәбәр итте.
«Ура! Минем хәзер машина йөртү таныклыгым бар. Миңа юлда йөрү һәм машина йөртү кагыйдәләрен өйрәткән өчен барлык укытучыларга һәм мәктәпкә рәхмәт! Бик борчылдым, ләкин дулкынлануымны җиңә алдым. Ярый әле, күнегүләр арасында кагыйдәләрне онлайн өйрәнү мөмкинлегем бар иде», — дип язган спортчы Инстаграмдагы сәхифәсендә.
Тимераякта фигуралы шуу остасына ике ел элек Пхенчхандагы Олимпиадада алтын медаль алган өчен BMW автомобиле бүләк иткәннәр иде.