Җәлил исемендәге опера һәм балет театры премьеры Нуриев турында сериал төшерергә тели
Режиссер Рэйф Файнсның «Белый ворон» фильмында Рудольф Нуриевны уйнаган Муса Җәлил исемендәге опера һәм балет театры премьеры Олег Ивенко яңа масштаблы проект — легендар биюче тормышы турында сериал төшерү теләге турында белдергән. Бу хакта ул «Миллиард.Татар» сайтына сөйләгән.
Ивенко сүзләренчә, 6-7 серияле сериал Рудольф Нуриев карьерасының иң югары ноктасы һәм аның бөек балерина Марго Фонтейн һәм Эрик Бруно белән мөнәсәбәтләре турында була ала. Өстәвенә, төп рольне Ивенко үзе башкарырга ниятли.
Артист сүзләренчә, ул инде бу идея турында Рэйф Файнс белән фикер алышкан. Режиссер да идеяне кызыклы дип саный, әмма аны гамәлгә ашыру өчен инвесторлар табарга кирәклеген билгеләп үтә. Сүз 5-7 миллион долларлык бюджет турында бара.