Әлфия Когогина тагын хәрбиләр янында булды
Скопировать ссылку
РФ Дәүләт Думасы депутаты Әлфия Когогина хәрбиләргә гуманитар йөк илтеп тапшырды. Бу хакта «Шәһри Чаллы» газетасыхәбәр итә.
«Хәрбиләрнең соравы буенча 150 тоннага якын йөк җыйдык. Йөк составында 4 бронекабиналы «КАМАЗ» йөк машинасы, тәгәрмәчләр, запас частьләр, резин лента, ягулык һәм су өчен кублар, маскировка челтәрләре, ризыклар, балалардан хатлар, туганнарыннан посылкалар бар иде», – дип хәбәр итте Әлфия Когогина.
Ул егетләрне үзенең туганнары кебек яратуын, берничә айдан алар янына кабат барачагын әйтте. «Аңа кадәр егетләрнең гозерләрен үтим: әти-әниләре янына барам, кайберләренә сәламәтлекләрен ныгыту өчен ярдәм итәргә кирәк», – диде.