Спорт 14 июль 2018 13:06

Алексей Сорокин футбол мундиалендә куркынычсызлык хезмәтләренең итагатьле эшләүләрен әйтте

Аркадий Дворкович барлык хезмәтләрнең үз бурычын волонтерлар кебек башкаруларын билгеләп узды.

Скопировать ссылку

(Казан, 14 июль, "Татар-информ", Гөлнар Гарифуллина). Футбол буенча дөнья чемпионатында куркынычсызлык бик югары дәрәҗәдә оештырылды. Хезмәткәрләр үзен итәгатьле тотты. "Россия-2018"оештыру комитеты" оешмасы рәисе Аркадий Дворкович һәм генераль директор Алексей Сорокин 11 шәһәрне тоташтырган видеоконференция режимында узган матбугат конференциясендә шулай дип белдерделәр.

Ул моңа җанатарлар паспортын кертү, яңа технологияләрдән файдалану, җанатарлары күпләп килгән башка илләр белән тыгыз хезмәттәшлек хисабына ирешелгәнен билгеләп узды. “Бу чемпионатны югары куркынычсызлык дәрәҗәсендә үткәрүгә этәргеч бирде. Барлык хезмәтләр үзара элемтдә торып эш итет. Бу бәһасез тәҗрибә”, - диде.

Оештыру комитеты генераль директоры Алексей Сорокин Аркадий Дворкович сүзен җөпләп, стадионнарда бер инцидент та булмаганын әйтте. “Әле ике көн бар-барын, ләкин бүгенгә нәтиҗә ясап шулай дияргә була. Миңа чит ил футбол коллегалары килеп, куркынычсызлык рамкалары янында торучы хезмәткәрләр елмаеп, итәгатьле итеп “рәхим итегез” дип әйтүче беренче ил бу, диделәр. Нәрсә эшләдегез сез алар белән? Мондыйны күргән юк иде диләр. Минемчә, бик шәп башкарып чыктылар үз эшләрен, тыныч кына, итәгатьле итеп”, - диде Сорокин.

Аркадий Дворкович янә сүзгә кушылып, барлык хезмәтләрнең волонтерлар кебек үк ягымлы караш белән, елмаеп, киң күңелле булып эшләгәннәрен билгеләп узды.

#ДЧ-2018 #футбол буенча дөнья чемпионаты #Дворкович #Сорокин

Сәхифәләр

Алексей Сорокин футбол мундиалендә куркынычсызлык хезмәтләренең итагатьле эшләүләрен әйтте