Алексей Песошин Татарстан Президентын һәм Казан Думасы депутатларын сайлауда катнашты
Татарстан Республикасы Хөкүмәте башлыгы Казандагы сайлау участокларының берсендә тавыш бирде.
(Казан, 13 сентябрь, «Татар-информ»). Татарстан Республикасы Премьер-министры Алексей Песошин Татарстан Президентын һәм Казан шәһәр Думасы депутатларын сайлауларда тавыш бирде. Бу хакта Татарстан Президентының матбугат хезмәте хәбәр итә.
Татарстан Республикасы Хөкүмәте башлыгы Казанда 241нче сайлау участогында Четаев урамындагы 143нче номерлы урта гомуми белем бирү мәктәбендә тавыш бирде.
11,12 һәм 13 сентябрь көннәрендә республикада Татарстан Президентын һәм җирле үзидарә органнарына депутатлар сайлау уза. Түбән Кама сайлау округында Дәүләт Думасы депутатын, ә Алабуга сайлау округында Татарстан Дәүләт Советына өстәмә сайлаулар бара.